На пазарите во Тирана килограм цреши се продаваат по 2.500 денари

Се чини неверојатно, но е вистинито. Цената на првите цреши на пазарите во Тирана се движи од 1.500 до 5.000 лека (од околу 750 до околу 2.500 денари), јави дописникот на МИА.

Според пазарџиите на новиот пазар во Тирана, ваквата цена е поради тоа што ова се првите денови од појавата на зрели цреши.

– Ова е почеток од годинешниот род, затоа и цената е вака висока. И ова, но и другото овошје на почетокот секогаш е поскапо – вели пазарџија.

Сепак пазарџите признаваат дека поради екстремно високата цена има многу малку купувачи на цреши.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.