Осум работници од фабриката за наменска индустрија „Крушик“ од српскиот град Ваљево се полесно повредени денеска при распрскување на детонаторска каписла на запалка од рачна бомба, јави Танјуг.
Како што соопшти српското Министерство за одбрана, седуммина од повредните работници по укажаната медицинска помош се пуштени на домашно лекување, а еден, кој се здобил со потешки повреди, е пренесен на лекување во Клиничкиот центар во Белград.
Според раковоството на фабриката за оружје, нереќата била предизвикана од човечки фактор. И покрај инцидентот произвдоството во „Крушик“ не е прекинато.
Српскиот министер за одбрана Братислав Гашиќ бил детално информиран за инцидентот, по што побарал од раководтсвото на фабриката во целост да бидат почитувани правилата за безбедност при работа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
