МВР: Терористите планирале напади на цивилни објекти на 17 мај

Од МВР информираат дека македонската полиција разби една од најопасната терористички групи на Балканот.

Портпаролот на МВР Иво Котевски истакна дека терористите почнале да влегуваат во земјава на почетокот на месецов за во средината на мај да почне терористички напади на цивилни објекти.

Сузбиена е терористичката група која имала три организатори во нашата земја. Во групата од 30-тина кои се предадоа на македонската полиција се и тројца од организаторите.

Полицискиот увид се уште трае. Се бараат докази, но и тела на уште убиени терористи.

Засега се забележани 14 тела на терористите во униформи, но Котевски вели дека не е исклучена можноста во рушевините да бидат пронајдени уште нивни тела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.