Министерството за внатрешни работи засега не може да објави колку припадници на македонските специјални сили и полицијата се повредени во акцијата која од утрово се спроведува во Куманово. На првиот прес денеска, помошникот на министерот за односи со јавноста Иво Котевски рече дека прво ќе бидат известени семејствата на повредените, а кога ќе заврши акцијата ќе бидат соопштени повеќе детали.
Во меѓувреме на хелиодромот во Скопје пристигна уште еден хеликоптер со двајца повредени полицајци. Сотоа бројката на повредени пристигна до над 20.
Според информациите од Ургентниот центар во Скопје засега на 16 повредени полицајци им е направена магнетна и компјутерска томографија.
Во тек се и хируршки интервенции на неколку повредени. Сите хируршки сали во Ургентен се на готовс, а закажаните редовни пациенти за операции се препраќаат во останатите болници.
Неколку полесно повредени полицајци се префрлени во градските болници „8 Септември“ и „Св. Наум Охридски“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
