Во Кичево тече битката за секој глас. Низ чаршијата проструи информација дека место очекуваните 1.000, на посета од дијаспората се дојдени 30 автобуси со гласачи. Неофицијално, одѕивот до 13 часот е повисока од 55 проценти.
Кичевската чаршија денеска е особено жива. Кафетериите и кафеаните се полни, на улиците сообраќајот е густ. Тоа што ја издвојува оваа недела од другите се колоните возила со македонски и со албански знамиња. Ретко да помине автомобил со партиски ознаки. За таа намена се користат сите превозни средства, па и велосипеди.
Девојки со марами и со шалови од албанското знаме полека возат кабриолети од кои ечат албански хитови. Плакатите и рекламните материјали по фасадите прелепувани една преку друга, даваат понекогаш чудни ликови. По цела ширина на хотелот во центарот на градот е закачено огромно албанско знаме. Од страна висат сликите од партискиот лидер и кандидатот.
Во Кичево на кафе денеска поминаа и италијанскиот, американскиот и други дипломатски претставници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
