Јастребите од Атланта приземјени од Вашингтон

Најдоброрангираниот состав во Источната конференција во НБА лигата, Атланта хоукс го загуби првиот меч од полуфиналето против Вашингтон визардс. Популарните „јастреби“ загубија со 98-104 и веќе ја немаат предноста на домашен терн, бидејќи поразот го прерпеа во својата „Филипс арена“ во Атланта.

За неполни 20 минути на паркетот, Перо Антиќ постигна 5 поени и имаше пет скока. Најефикасен кај Атланта беше Демар Керол со 24 поени, додека Хорфорд имаше 17 поени и 17 скока.

Вашингтон го предводеше Бредли Бил со 28 поени.

За разлика од Атланта, почетниот меч на домашен терен во полуфиналето на Западот го доби Голден стејт вориорс. Воините го победија Мемфис со 101-86, во меч во кој повторно блескаше Стефон Кари со 22 поени, еден повеќе од Марк Гасол, кој беше најефикасен кај гостите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.