Италијанските власти побараа од албанските колеги да биде екстрадиран албанскиот државјанин Албан Елези, осомничен дека е дел од џихадистичка ќелија и дека поттикнувал и регрутирал борци за џихад додека престојувал во Италија, јави дописникот на МИА од Тирана.
По добиенотот барање, Министертвото за правда на Албанија се обратило до Обвинителството во албанскиот град Каваја, кое, пак, побарало од судот да дозволи екстрадиција на Елези, кому, во отсуство, од страна на судот во италијанскиот град Брешиа му е изречена мерка притвор, под обвинение за тероризам.
Елези е жител на селото Синај, кај Каваја а во моментот е во затворски притвор во затворот во Рогожина.
Инаку, италијанската полиција кон крајот на март откри група исламски екстремисти во Италија и Албанија, кои регрутирале борци за групата „Исламска држава“. Во Италија беа уапсени три лица, меѓу нив и внук на Елези, додека Албан Елези (38) беше упасен во Каваја.
Според полицијата групата имала контакт со Италијанец со мароканско потекло, кој е меѓу 65 странски борци од Италија во Сирија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
