Во вторник, 28 април, во 20 часот во Младинскиот културен центар (МКЦ) ќе се одржи книжевна вечер посветена на италијанскиот писател, Луиџи Пирандело, еден од најзначајните писатели на 20 век. Генијален автор на мноштво раскази, романи, драми, но и еднакво брилијантен во сите други книжевни облици. Неверојатно креативен, забавен, хумористичен, сериозен, иновативен, генијален.
Добитник е на Нобеловата награда за книжевност во 1934 година.
Краток осврт за делото и значењето на авторот ќе даде проф. д-р Анастасија Ѓурчинова, додека акцентот на настанот ќе биде на расказите на Пирандело.
Публиката ќе може да погледне избор од интересни кратки филмови снимени по некои од неговите раскази и да се вклучи во дискусија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
