Доколку сте во касните дваесетти или веќе сте ја надминале триесетата година, време е да почнете да го декорирате домот во склад со вашата возраст. Дизајнерот Скот Мичам Вуд во „Ел декор“ нуди неколку совети за декорација и уредување на домот соодветни за оние со триесетина години, а наведува и листа на работи од кои мора да се ослободите.
1. Привремен мебел
– Често луѓето чекаат да се вселат во нивниот „постојан дом“, па да почнат да го декорират, а дотогаш купуваат што било на попуст за да пополнат простор – вели Вуд. Според него, најдобро е да се инвестира во класични парчиња на мебел, бидејќи само така нема да имате загуби, а после триесеттите привремеиот мебел не смее да има место во вашиот дом.
2. Полица за телевизор
Наместо функционалност, време е да посветите време на креативноста, смета Вуд, според кој полицаta која сте ја купиле во исто време кога и телевизорот треба да се исфрли и да се замени со нешто поестетичко.
3. Голи паркети и мали килими
Наместо да одите на најефтината варијанта – без или мал тепих, направете го спротивното. Купете најголем тепих кој вашата просторија може да си го дозволи. Гледајте да е богат во боите и текстурата, со што ќе добиете толина и чувство на стабилен дом.
4. Постери и фотографии без рамки на ѕидот
Тоа изгледа ефтино и детски, смета Вуд, според кој мора да се вложи во добри рамки.
5. Ефтина постелнина
Не постои оправдување зошто да имате неквалитетна постелнина на било која возраст, а после триесеттата година навистина треба да сте свесни дека заслужувате подобро.
6. Растурена постела
Потребна е минута за да се намести креветот, а со растурена постелнина ви паѓаат во вода сите декорации или скапи украси.
7. Акцентиран ѕид
Наместо да го подобрите просторот, добивате сосема спротивен ефект. Оставете го акцентирањето за ергенските станови.
8. Кич рамки
Триесетите се години кога треба да се инвестира во класични и едноставни работи и кога треба да се водите по златното правило на помалку е повеќе.
9. Пластични садови и есцајг
Исклучок се само садовите за вашите деца или, пак, забавите на отворено, кога по правило и треба да се користи прибор и чинии за една употреба.
10. Вештачко цвеќе
Подобро е воопшто да немате, отколку да биде пластично. Доколку не ве бива со растенија, земете такво дво што бара минимална посветеност и практично се расте само.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
