Летово експресен пат Прилеп – Градско и реконструкција на прилепската железничка станица

Нов експресен пат со четири ленти од Градско до Прилеп ќе почне да се гради ова лето, инвестиција вредна  70 милиони евра, најави претседателот на ВМРО-ДПМНЕ и премиер Никола Груевски на денешниот народен собир во Прилеп.

– Во април ќе започне и реконструкција на железничката станица во Прилеп на која ќе пристигаат и новите шест возови. Се ова со најголем напор на Миле Јанакиески, човекот кој зедно со Марјан Ристески направија најмногу за оваа општина и овој регион, а ако се суди по креираните снимки на Заев тие треба да се најлошите луѓе. Затоа велам, гледајте кој што прави и создаава, рече Груевски пред граѓаните на Прилеп.

Соопшти дека годинава ќе почне и изградба на нови регионални и локални патни правци Прилеп – Маркова Чешма и село Лениште – Манастир Св. Петка и потсети на други инфраструктирни инвестиции во Прилеп и Прилепско во изминатите неколку години.

– Само во последните две години овде, во ова општина, се завшија градби и реконструкции на 20 локални патишта и инвестиција од 10 милиони евра. Сеинвестирше и во регионални патиштаа и тоа:  Прилеп – Кривогаштани со должина од 19 км, вредност 141 милион денари, Прилеп – Македонски Брод со должина од 37 км, вредност 282 милион денари, рече Груевски.

Во текот на 2013 година, рече Груевски, извршена е санација на една коловозна лента на магистралниот пат А1 на Плетвар во должина од околу 1,60 км со вкупна вредност од 6 милион денари.  Во  2014 година е извршена надградба на магистралниот пат А1 делница, Плетвар – Фариш – Росоман во должина од околу 1,0 км со вкупна вредност од 6 милион денари, како и  надградба на клучката на А3 влез во Прилеп кај споменикот на паднати борци-Могила со вкупна вредност од 2,8 милиони денари.

На регионалните патишта Прилеп – Кривогаштани – Крушево – Сладуево и Прилеп – Македонски Брод – Кичево во должина од 11,5 км е поставена нова сообраќајна сигнализација и опрема. Инвестицијата е во вредност од 30 милиони денари

– Во овој период се изгради и  патот до манастирот Трескавец, а во финална фаза е изградбата на  патот до манстирот Зрзе, проекти вредни околу 3 милиони евра. Се инвестираат и 20 милиони евра за изградба на канализациска мрежа и пречистителна станица во вредност од 20 милиони евра. Исто така, преку Европската инвестициска банка се обезбедија пари за изградба на канализациска мрежа  за село Канатларци и Горно Коњаре, додаде Груевски на народниот собир во Прилеп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.