Де Хеа веќе ја прифатил понудата на Реал Мадрид, остануваат уште да се договорат двата клуба

Шпанскиот репрезентативен голман во редовите на Манчестер Јунајтед, Давид Де Хеа веќе ги договил личните услови со Реал Мадрид за трансфер во овој клуб во летниот преоден рок.
Ова го тврди шпанскиот новинар Жозеп Педерол кој во синоќешната емисија на телевизијата „Ла Селекта“ потврди дека Де Хеа одговорил потврдно на понудата на кралскиот клуб. Голманот на Манчестер јунајтед цела сезона е поврзуван со трансфер во кралскиот клуб, а ова доаѓа како логична потврда на она што се шпекулираше, особено ако се знае дека неговиот договор со „црвените ѓаволи“ трае до јуни 2016.

– Давид Де Геа му рече „да“ на Реал Мадрид. Голманот на Јунајтед сака да го носи белиот дрес од следната сезона. Клубот размислуваше за повеќе опции, но реши дека Де Геа е вистинскиот избор. А Де Геа е чист со себе – сака да биде голман на Реал Мадрид. Еден од проблемите може да биде иднината на Икер Касилјас, но тоа не би требало да биде пречка за трансферот на Де Геа. Останува само уште договор меѓу клубовите – вели новинарот Педерол.

Де Хеа сака да се врати во Мадрид, но во редовите на Реал. Тој ги бранеше боите на лутиот градски ривал Атлетико, пред да замине во Манчестер Јунајтед. Сега останува само уште Манчестер Јунајтед да ја прифати понудата на Реал што и најверојатно ќе се случи бидејќи постои можност следната година кога му истекува договорот на Де Хеа да си замине како слободен играч.

Новинарот Педерол како причина за заминување од редовите на „црвените ѓаволи“ на голманот Де Хеа е лошиот однос ос менаџерот Луис Ван Гал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.