Индијана пејсерс остана во трката за осмата позиција во Источната конференција во НБА лигата со победа против Вашингтон визардс по две продолженија. Пејсерс славеа со 99-95 и со една победа повеќе и пораз помалку се пред Бруклин во битката за последниот билет за доигрувањето. Ако Индијана го победи Мемфис во последната рунда ќе игра во плејофот, во спротивно Бруклин нетс со триумф над Орландо ќе одат во битката за титулата.
Бостон селтикс забележаа нова победа, овојпат над Торонто со 95-93 и го обезбедија седмото место на Истокот и ќе играат во плејофот против Кливленд кавалирс.
На третата позиција во Западната конференција регуларниот дел го завршија Лос Анџелес клиперс со победата против Феникс санс од 112-101.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
