Клеј Томпсон одигра нова брилијантна партитура за Голден стејт вориорс и постигна 42 поени за три четвртини во победата против Мемфис од 111-107. Кошаркарот на воините со 37 поени во првиот дел го израмни сопствениот рекорд по бројот на поени за едно полувреме, поставен сезонава против Сакраменто на 23 јануари. Томпсон имаше неверојатна низа од 23 поени во период од 9 минути, кога само тој погаѓаше за водечката екипа во НБА-лигата. Во последниот период Клеј воопшто и не играше поради одлуката на Стив Кер да ги одмори клучните играчи.
Одлична ноќ имаше и Леброн Џејмс со 21 поен, 11 асистенции и 10 скока во триумфот на Кливленд против Детроит со 109-97. Атланта хоукс ги врати стартерите за мечот со Њујорк никс, но, пак, загуби со 108-112. Перо Антиќ не играше поради настинка.
Резултати: Шарлот – Хјустон 90-100, Кливленд – Детроит 109-97, Филаделфија – Милвоки 97-107, Атланта – Њујорк 108-112, Бруклин – Чикаго 86-113, Мајами – Орландо 110-93, Минесота – Њу Орлеанс 88-100, Оклахома – Портланд 101-90, Јута – Далас 109-92, Сакраменто – ЛА Лејкерс 102-92, Голден стејт – Мемфис 111-107, ЛА Клиперс – Денвер 110-103.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
