Капитенот на македонската репрезентација Кире Лазаров речиси ја заврши работата со својот клуб Барселона во четврфиналниот двомеч со ППД Загреб во рамките од Лигата на шампионите. Барселона успеа да слави тешка победа во загребачката „Арена“ во првиот натпревар на гостински терен со 25-23.
На реваншот „каталонците“ ќе имаат далеку полесна задача на свој терен во „Блауграна“ да обезбедат пласман на фајнлфор турнирот во Келн оваа сезона.
Лазаров во својата кариера беше играч на Загреб пет години и затоа беше пречекан со оваации од 15-илјадната публика во „Арена“ при неговото преставување. Тој си замина од Загреб со пет погодоци од кои четири од линијата од седум метри.
Предноста која ја обезбеди Барселона од четири гола уште во првото полувреме беше доволна за тирумф на жешкиот терен.
Сепак избраниците на Веселин Вујовиќ во самиот финиш можеа да дојдат до сензационално израмнување, но ударот на Валчиќ го одбрани голманот за Барселона, Даниел Шариќ кој му овозможи на Томас во последниот напад за Барса да постигне гол и да и донесе на својата екипа победа.
Кај Барселона, покрај Лазаров со пет гола, одличен беше и Карабатиќ со шест погодоци, а пет постигна и Томас. На голот на Каталонците Шариќ имаше 13 одбрани. Во составот на ППД Загреб извонреден беше Степанчиќ со осум постигнати гола.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
