Групата „Исламска држава“ денеска ослободи над 200 луѓе, во најголем дел стари лица и деца, од религиозна група језиди, држени во заробеништво речиси осум месеци, соопшти командир од курдските милиции Пешмерга во северниот ирачки град Киркук.
Ослободувањето е извршено во Химера, југозападно од Киркук, јави БТА.
Генерал Хива Абдула изјави дека повеќето од ослободените 216 заробеници се во лоша здравствена состојба и имаат белези од насилство од неухранетост. Околу 40 од нив се деца, а останатите се стари лица.
Ослободените јазиди со автобуси и возила на брза помош се пренесени на лекување во Ербил, главниот град на автономниот Ирачки Курдистан.
Не е објавена причината за ослободувањето на затворениците, кои беа киднапирани од планината Синџар во близина на Северен Ирак.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Македонец подготвувал терористички напад во името на Исламската држава во Италија
-
Голема акција на турската полиција, уапсени 23 лица: Терористите спремале „сензационален напад”
-
Приходите на ИД од продажбата на нафта за две години се намалија за 90 отсто
-
ИД ја презеде одговорноста за нападот во лондонското метро
