На 9 април со почеток од 20 часот во Младинскиот културен центар (МКЦ) ќе се одржи промоција на книгата „Илустрирана библиска етика“, изложба и концерт.
„Илустрирана Библискa етика“ е книга со 100 цртежи на изреки од Библијата. Нејзината цел е да ги погледне, преиспита, прoтолкува и рефлектира вековните вредности преку современа ликовна интерпретација на: Иван Ивановски, Горан Дачев, Никола Радуловиќ, Владимир Лукаш, Атанас Ботев, Ѓорѓе Јовановиќ, Андреј Анастасов – Даскаловски, Миле Ничевски.
Вечерта ќе ја отворат Женскиот младински хор на МКЦ и Јанинка Невчева на органа со изведба на делото „Lux Aeterna” од Александар Пејовски специјално компонирано за оваа пригода, а од 22 часот ќе настапат: Ice Soul Combo, К.Н.Н.Т и Арлекин.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
