Дизајнерите Алмир Мили со својата мини колекција наречена „Титуба“ и Ивана Цветковска со колекцијата „Street style“ ѝ дадоа поддршка на кампањата на Канцеларијата на УНДП во Скопје „Стоп за насилството врз жените и девојчињата- сега!“ кон која се приклучи и Моден викенд Скопје.
Маиците беа презентирани синоќа, на Модниот викенд Скопје кој е во тек и се одржува во катната гаража „Солунски конгрес“ во Скопје.
Покрај Моден викенд кој се приклучи кон кампањата на Канцеларијата на УНДП во Скопје, својата поддршка ја дадоа и Индира Кастратовиќ, Наташа Петровиќ, Милена Антовска, Лабина Митевска, Ана Јовковска и Вера Милошевска кои ќе се појават во ексклузивен едиторијал на 8 април во списанието „Теа Модерна“ кое е медиумски покровител на проектот. Фотографиите од фотосесијата ги направи Марко Марковски.
фото: Ани и Дими
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
