Милан се откажува од Дестро, Митровиќ е следна желба

Милан е во потрага за напаѓач за следната сезона. Повеќе од сигурно е дека Ел Шарави си заминува, како и Пацини.
Матри се враќа, но и тој ќе биде проследен во друг клуб.

Матија Дестро, кој е даден на заем во  Рома е прескап за Милан според придонесот оваа сезона. Според барањата на римската волчица, за да го откупи договорот, Милан ќе мора да плати високи 16 милиони евра. Сепак потпретседателот Галијни порача дека доколку Рома не ја намали цената за Дестро, нема договор.
Ако веќе е решен да потроши толкава сума пари, подобро е Милан да го купи српскиот репрезентативец од Андерлехт, Александар Митровиќ.
Сепак тоа нема да биде лесна мисија за седумрактниот европски шампион бидејќи за Митровиќ се заинтересирани Њукасл, Бенфика и Спортинг Лисабон, клубови што можат да платат многу повеќе и да му понудат поголема годишна заработка на играчот.

Некоја поефтина варијанта е Имобиле од Борусија Дортмунд ако „милионерите“ се согласат на трампа за Ел Шарави или, пак, Чичарито од Реал, кој, пак, не сака да го откупи неговиот договор.
Галијани знае дека Митровиќ е најдобро решение и се очекува во следниот период да почнат преговорите со Андерлехт.
Белгискиот клуб ја постави цената од 18 милиони евра, но најверојатно би прифатиле сума од 15 милиони, трипати повеќе од сумата што му ја платија на Партизан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.