Понта: Романија ќе распореди тешка воена техника на НАТО на своја територија

-Романија ќе ја исполни одлуката на НАТО за разместување на тешка воена техника на Алијансата на своја територија- изјави денеска романскиот премиер Виктор Понта, цитиран од ТАСС.

Командантот на силите на НАТО во Европа, генерал Филип Бридлав, кој се наоѓа во посета на Букурешт, вчера изјави дека наскоро ќе се донесе одлука за разместување на тешка воена техника на НАТО на територијата на Романија.

Романскиот министер за одбрана, Мирча Душа, од своја стана, прецизира дека за ова прашање веќе се водат „дискусии на техничко ниво”.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.