Ѕвездите од календарот, чијшто приход од продажбата оди во хуманитарни цели, добро навлегле во своите 80-ти и 90-ти години, но тоа не ги спречило корисниците на старскиот дом од Охајо да покажат малку кожа.
Мис Март има 86 години и на себе, освен зелен цилиндар, нема ништо. На дуплерката се две жени на возраст од 90 години кои играат покер со стратешки поставени, големи карти, додека Доти Рутер на страната за февруари ужива во пенлива купка, додека чоколадо и долна облека лежат на подот.
На 87-годишна возраст Рутер и другите три најмлади модели ја красат насловната страница од календарот, на која нивните боси стапала и голи рамена се појавуваат зад банер, со кој се рекламира нивниот дом „Плезент поинт“ во Барбертон, во Охајо.
Директорката на Домот за локалните медиуми рекла дека жителите на Домот убаво се забавувале на снимањето, а дека парите од календарот кој се продава за 12 долари одат во фонд кој на децата во училиштата во Барбертон им купува чевли.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
