Грција има пари за само уште две недели

Грчката влада има пари за исплата на плати и пензии за само уште две недели, односно до 8 арил кога ќе влезе во критична состојба, пишува германскиот весник Frankfurter Allgemeine Sonntagszeitung (Франкфуртер алгемајне зонтагцајтунг).

Експертите од Европската комисија тврдат дека дури и официјална Атина да посегне по фондовите за социјално осигурување и од сметките на компаниите во државна сопственост за да продолжи со исплата на плати, на Грција на 9 април ќе и пристигнат за наплата 465 милиони евра кредит од ММФ.

Грчкиот премиер Алексис Ципрас минатиот петок се обиде да ги увери кредиторите и европските партнери дека во „престојните денови“ ќе достави проширен предлог на реформи со надеж дека ќе ја отклучат последната транша од помошта во вредност од 7,2 милијарди евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.