За здраво тело конзумирајте редовно вино

Чешки експерти препорачуваат да се пие редовно секој ден вино и тоа најдобро навечер со јадење. Препорачана доза за мажи е четири децилитри, а три за жени. Овие препораки ги дадоа експертите кои учествуваа на семинар во чешкото Собрание, јави дописникот на МИА од Прага.

Според кардиологот Милан Шаманек најопасно е брзото пиење, што значи пет чаши тврд алкохол за време на два часа. „Мирното“ пиење според неговата студија ја снижува можноста за инфаркт за 35-50 проценти.

Недоверба и неверување кај учесниците на семинарот предизвика и неговото тврдење дека треба да се почне со пиење на алкохол веднаш по доживеан инфаркт за да се има здрав црн дроб.

– Кога пиете алкохол е подобро за вашиот црн дроб отколку кога не пиете, изјави лекарот, додавајќи дека со пиење се продолжува животот дури за пет години. Ова е сосема спротивно на твредењата на некои стручни лица кои сметаат дека алкохолот е штетен за здравјето на луѓето и ги уништува мозочните клетки.

Според Шаманек, треба да се додржува режимот на редовно секојдневно пиење алкохол, во мали количини. Според него ризично е пиење алкохол кај бремени жени, доилки и мажи кои се плашат за својата потенција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.