Нема поубаво девојче од Македонче – три деца се закитија со титули на изборот на Мис на деца и тинејџери

Три титули на нашите претставници на изборот за Мис и мистер галакси 2015 година за деца и за тинејџери. Минатиот викенд во Банско, Бугарија, во конкуренција на преку 50 учесници од целиот свет, Македнија имаше тројца претставници и сите се вратија со титула.

Овој голем успех го направија петгодишната Симона Николоска од Скопје, која во најмалата возрасна група ја освои титулата прва придружничка, односно прва принцеза  на Мис галакси 2015 година, 14-годишната Ива Мирчевска Стојмилова, исто така, од Скопје, во конкуренција на тинејџерки ја освои титулата втора придружничка или втора принцеза на Минс тин галакси 2015 година и 16-годишниот Кристијан Иваноски од Кавадарци, кој, исто така, во конкуренција на тинејџери го освои првото место и титулата на Мистер тин галакси 2015 година, со што го повтори успехот на минатогодишниот победник Филип Зарков од Штип, кој, исто така, победи во конкуренција на тинејџери и ја освои титулата на Мистер тин галакси 2014 година.

Сите се членови на Модното студио Црнокрак, кое ја има лиценцата за Македонија за овој интернационален избор за убавина и преку кое тие една недела престојуваа во Бугарија и настапуваа на финалето што се одржа во Културниот дом во Банско.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.