Чад над Франкфурт: Полицијата продолжува со апсење на демонстрантите (фото)

Откако повеќе илјади демонстранти излегоа на улиците на германскиот град Франкфурт и се судрија со полицијата, беа уапсени најмалку 550 лица а повредени се 94 полицајци.

Демонстрантите сакаа денеска да изразат негодување поради отворањето на Европската централна банка во тој град. Некои од нив почнаа да ги палат автомобилите, гумите и контенјерите на улицата кога се судриле со полицијата.

Густ облак од чад се надвисна над градот, а оштетени се бројни објекти во центарот.

Полицијата продолжува да ги апси демонстрантите, а многу од нив уште се наоѓаат на улиците.

– Нападнати сме со камења и спрејови – изјави портпаролот на полицијата на Франкфурт.

„Би-би-си“ наведува дека се повредени и бројни демонстранти, но за сега нема точни информации за бројот на повредените.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.