Народот не го поддржа срамното деструктивно сценарио на Зоран Заев и СДСМ. Со цела партиска логистика и со силни притисоци, цела опозиција вечерва собра едвај 1700 луѓе. Сите до еден-членови на СДСМ.
Зоран Заев вечерва не доби поддршка од граѓаните, туку само од најсилните свои поддржувачи. Колкав е вкупниот број на поддржувачи на опозицијата е јасно, малку се на број и речиси една деценија не можат да им донесат победа на избори.
Лидерот на опозицијата со месеци тоне се подлабоко, а со себе го влече и целото раководство. Заев е прочитан, прочитано е неговото сценарио кое за ситни лични интереси го прави на штета на цела Република Македонија.
Креираните материјали на Заев, овојпат го разочара и членството на СДСМ. Иако помпезно ги најавуваше и кажуваше дека наводно ќе презентирал докази за најголем изборен грабеж, Заев денес објави само сецкани, селектирани делови од разговори кои ништо, ама баш ништо не докажуваат и покажуваат.
Присутните во Универзална сала беа непријатно изненадени и силно разочарани. Очекуваа многу, а не слушнаа ништо. Во салата немаше енергија, немаше излив на револт од она што го слушнаа, а на нивните лица се гледаше разочараноста од она што некој им го пушта. Дури и најголемите поддржувачи на СДСМ со неверување гледаа во она што го кажува сопствениот лидер.
Овојпат, Заев не најави ниту еден разговор, туку за таа работа си платил актер. Но и тоа беше залудно бидејќи дебело платениот актер се обидуваше да го смени контекстот на разговорите, а тоа само предизвика нервоза и фрустрација кај членовите на СДСМ кои не слушнаа ништо спектакуларно како што очекуваа. Тие практично беа изманипулирани да дојдат во Универзална сала бидејќи им најавуваа силни материјали, а ја добија најслабата “бомба“ до сега.
Оваа вечер заврши со говорот на човекот кој го започна сево ова и ја држи во заложништво цела Македонија. Зоран Заев вечерва изгледаше исто како неговиот претходник Бранко Црвенковски. Зборуваше гласно, се дереше исто како Црвенковски, правеше исти гестакулации. Заев испрати и пораки исти како оние на Црвенковски. Речиси како овој лидер на СДСМ да прекопирал делови од говорите на претходниот лидер.
Дека ако утре има избори СДСМ ќе дојде на власт и дека тие ќе победат, јавноста слушнала многу пати. Но, исто толку пати овие нивни помпезни најави завршија со огромен пораз на СДСМ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
