Премиерот со богата агенда – отвори индустриска зона, ја посети „Амфенол“ и пушти пат во употреба (ФОТО)

Во рамки на денешната богата агенда, премиерот Никола Груевски имаше низа активности.

Премиерот Груевски ја посети фабриката Амфенол за производство на автоделови, а од менаџментот беше запознаен со начинот на работа.

Денеска тој официјално ја пушти во употреба локалната индустриска зона во Виница во која, како што кажа, веќе се продадени сите 11 парцели, а шест фабрики се во фаза на градба и нагласи дека Владата и во иднина ќе продолжи со поддршката која ја дава на општината за сите проекти кои, како што кажа, се во интерес на граѓаните, како и со реализација на сите владини проекти кои се од општо добро за целиот регион.

Премиерот беше во посета на кочанско каде го пушти во употреба патот до селото Бели и истакна дека Инвестирањето во изградбата на патиштата со цел подобрување на пристапноста и животот во руралните места низ Македонија се важен приоритет на Владата.

Исто така,тој изврши увид во градежните работи на пристапниот пат до браната Речани на Оризарска Река и за изградба на канализација во Кочани, а нагласи дека се очекува изградбата на браната да трае 30 месеци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.