Скопјанката што сопругот ја претепал со метална цевка е приклучена на апарати. Таа е хоспитализирана на неврохирургија, се наоѓа во кома и лекарите велат дека има скршен череп, повреди на мозокот и е во многу тешка состојба.
Неофицијално, сопружниците кои имаат два деца се разведуваат. Против сопругот имало кривична за семејно насилство и пред три месеци.
Претходно, единицата за прв одговор и интервенција „Алфа“ го приведе 50-годишниот скопјанец Д.Б. кој вчера ја претепа својата сопруга и потоа го напушти местото.
Повредената Е.Б. (46) вчера била донесена во Ургентен центар Скопје откако утрово околу 7 часот на ул. „Московска“ во скопската населба Тафталиџе била физички нападната од сопругот, кој со метална цевка ѝ нанел тешки телесни повреди и го напуштил местото на настанот.
По преземени мерки, Д.Б. е приведен, а СВР Скопје поднесе кривична пријава за него поради основано сомнение дека сторил кривично дело убиство во обид.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
