Еврозоната подготвува трет пакет од 50 милијарди евра за спас на Грција

Еврозоната подготвува трет пакет за спас на Грција во износ до 50 милијарди евра, изјави денеска шпанскиот министер за финансии и економија Луис де Гвиндос.

– Грција нема да ја напушти еврозоната, бидејќи тоа нема да е добро ни за самата земја, ни за останатите 18 држави што ја користат единстевана европска валута, изјави Гвиндос во обраќање на економска конференција во Памплона.

Според Гвиндос, новиот пакет за Грција што го подготвува еврозоната, ќе предвидува помош во износ меѓу 30 и 50 милијарди евра.

– Основното сценарио за Грција предвидува договор врз основа на сегашниот план за спас, кој ќе предвидува и нови услови што треба да бидат утврдени со флексибилен пристап, рече Гвиндос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.