Арсенал најде звучно засилување во редовите на Јувентус?

Менаџерот на Арсенал Арсен Венгер има чудна политика околу издвојувањето средства околку трансферите во клубот од Лондон.
Недоволното издвојување пари го стави клубот позади двата тима од Манчестер, Јунајтед и Сити како и Челси. Арсенал заостанува и зад многу тимови во Европа според резултатите кои ги прикажува и во домашните натпреварувања како и во меѓународните купови.
Недостатокот на трофеи го поставува прашањето, дали тоа што го работи Венгер е добро за клубот со толку голема традиција, и колку навивачите на Арсенал ќе имаат трпение за толку голем „пост“ кога се трофеите во прашање.

Клубот од Лондон фрли око на една крупна ѕверка од Торино. Во прашање е спортскиот директор на Јувентус, Фабио Паратици.

Арсенал досега имаше големи проблеми околу преговорите со звучни фудбалски имиња, а секако и околу продолжувањето на договорите со стародеседлците. Таквата ситуација никого не остава рамнодушен, ниту Арсен Венгер, а ни останатите челици на клубот.

Тој во следниот период ќе се обиде да ангажира нов спортски директор, смета дека токму Паратаци е вистинскиот човек за тоа место.
Токму Италијанецот е клучен за доведување на Видал, Погба и Мората во редовите на Јувентус.
Сепак на Арсенал нема да му биде ни малку лесно да го доведе Паратаци, бидејќи во трката за неговите услуги се вклучи и ПСЖ кој не жали пари кога станува збор за доведување на звучни имиња во тимот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.