Литванија ќе увезува течен гас од САД

Литванија потпиша трговски договор за купување течен природен гас (ЛНГ) од САД со цел намалување на големата зависност од руските испораки на гас.

Според договорот со хјустонската компанија „Чениер енерџи“, првите испораки на американскиот ЛНГ би можеле да пристигнат во Литванија веќе наредната година, соопшти литванската државна компанија „Литгас“.

Првиот литвански пловечки терминал за ЛНГ почна комерцијална активност во јануари. Оваа земја од три милиони жители од мултинационалната компанија „Статоил“ во 2015 за почеток ќе увезе над половина милијарда кубни метри гас, со што би покрила петина од своите потреби.

Првиот американски теминал ЛНГ ќе биде пуштен во работа подоцна оваа година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.