Рекордна популарност на Владимир Путин

Популарноста на рускиот претседател Владимир Путин достигна ново највисоко ниво, моментално уживајќи доверба од 86 отсто од граѓаните на Русија.

Московскиот центар за истражување на јавното мислење „Левада“ ги објави резултатите од истражувањето спроведено на 1.600 граѓани низ 134 града во Русија, пренесува британскиот весник „Индепендент“.

Во однос на ситуацијата од пред две години, популарноста на Путин е зголемена за 21 процент. Иако, постојат обвиненија за легитимноста на неговата изборна победа, јасно е дека популарноста на Путин се повеќе се зголемува како што се влошуваат односите на земјата со Западот.

Популарноста на ниту еден политичар во светот не може да се спореди со таа на рускиот претседател. Почитуваната германска канцеларка Ангела Меркел има поддршка од 64 проценти од Германците, додека американскиот претседател Барак Обама има поддршка од 46 проценти од граѓаните.

Британскиот премиер Дејвид Камерон има поддршка од 41 отсто, а австралискиот премиер Тони Абот само 29 проценти поддршка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.