Давид де Хеа го испратил својот агент во Мадрид?

Според неофицијалните информации кои пристигнуваат од островото голманот на Манчестер Јунајтед и шпански репрезентативец Давид де Хеа го испратил својот агент во Мадрид за да отпочне преговорите за трансфер во кралскиот клуб.

Де Хеа треба да потпише нов договор о неговиот клуб, но преговорите се стопирани и постои голема шанса тој и воопшто да не го продолжи договорот.
Од Јунајтед пристигна демант за било какво недоразбирање со чуварот на мрежата, но од Шпанија пристигнуваат вести дека нов договор нема да дојде.
Контареверзниот шпански агент Галјардо на државната телевизија изјави дека агентот на Де Хеа е веќе во Мадрид и дека се преговара за неговиот потпис во Реал Мадрид. Според Галјардо менаџерот на Манчестер Јунајтед и Де Хеа не се во добри односи и се поизвесно е дека на лето фантастичниот голман ќе ги засили редовите на десеткратниот европски шампион.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.