Со доаѓањето на пролетните и летни месеци, доаѓа и времето кога повторно ќе носиме отворени обувки, па за добар изглед на стапалата потребно е со негата да започнете уште одма. Наместо посета на козметички салон и скапи козметички тремани, стапалата можете да ги негувате ефикасно и без многу пари и во домашни услови, користејќи ги намирниците од вашата кујна и производите од вашата бања.
1. Пена за бричење
Нанесете поголема количина пена за бричење на стапалата. Во легенче измешајте еднаква количина вода за плакнење уста и топла вода за добро да можете да натопите еден пешкир. Додека стапалата ви се запенети, ставете го пешкирот врз нив и седете така половина час. Со истиот пешкир нежно протријте ги стапалата отстранувајќи ја пената. Тоа ќе ја отстрани грубата и сува кожа, а стапалата ќе ви станат мазни и меки. На крајот на третманот нанесете крема за стапала за дополнителна хидратација.
2. Растително или маслиново масло
Ова е уште една многу ефикасна метода, а сѐ што ви треба е малку маслиново, растително или кокосово масло. Со прстите нанесете масло на стапалата и добро измасирајте ги, нежно протривајќи ги критичните места. Правете го тоа навечер, после тоа облечете чисти памучни чорапи и оставете ги преку ноќ. Кога ќе се разбудите вашите стапала ќе бидат меки и хидрирани, а грозната испукана кожа ќе ја снема. Оваа метода може да се користи неколку пати неделно доколку стапалата ви се многу суви, а петите многу испукани.
3. Вазелин
Вазелинот е уште едно одлично средство против распукани и поцрнети стапала. Нанесете го по целата површина на стапалата и облечете чисти памучни чорапи за спиење. Ако ова го правите во текот на денот, оставете ги чорапите сѐ додека стапалата потполно не го впијат вазелинот и не постанат мазни и меки.
4. Солена вода
Топлата солена вода е одличен рецепт за лечење на испуканите пети. Во топла вода додајте шака сол и добро промешајте. Ставете ги стапалата внатре и седете така 15 минути. Исушете ги убаво стапалата и нанесете подебел слој крема или вазелин, па облечете чисти памучни чорапи. По неколку часа, вашите стапала ќе ја впијат кремата, а резултатот веќе го знаете – негувани стапала вредни за покажување.
5. Домашен педикир
Новиот препарат за домашен педикир на „Scholl“, електричниот „Велвер Софт“, има револуционерен ролер, со дијамантски кристали, за неколку минути ефикасно се справува и ја отстранува тврдата кожа на петите. Како и останатите производи на оваа британска компанија, апаратот е многу лесен за користење, дури и повеќепати во денот. „Велвет софт“ отсега можете да го најдете и во македонските аптеки и продавници.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
