Евакуација на неколку железнички станици во Чешка заради закана од бомби

Чешката полиција ги евакуира граѓаните кои се наоѓаат на железничките станици во Брно, Оломоуц, Хомутов, Либерец и Острава, поради закани за поставена бомба од анонимен јавувач, кој не прецизирал каде е поставен евентуалниот експлозив.

Според портпаролката на полицијата Јана Масарикова, засега не е откриена сомнителна направа, но и покрај тоа се евакуираат и проверуваат железничките станици во земјата, јави дописникот на МИА од Прага.

Од безбедносни причини е затворен и пренасочен сообраќајот кој се одвива во непосредна близина на железничките станици.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.