Де Андре Џордан одигра совршен меч за Лос Анџелес клиперс, екипа што го победи шампионот Сан Антонио со 119-115. Центарот на Клиперс постигна 26 поени и забележи 18 скока, што е брилијантно постигнување и за НБА-лигата. Да беше барем малку попрецизен од линијата за слободни фрлања, Де Андре можеше да има и многу подобар ефект во поени. Од 28 слободни фрлања, тој погоди само 10. Идентични 26 поени постигна и бекот Џамал Крафорд, а ефикасен беше и Крис Пол со 22 поени.
Кај гостите, Тим Данкан одигра одлично и прокнижи 30 поени и 11 скока. Во вечер за уживање во ЛА и Тони Паркер се вклучи во свој елемент со 21 поен и 13 асистенции, но неговите Спарс загубија.
Во Оклахома громогласно одигра Расел Вестбрук со 34 поени и 10 асистенции, заедно со Серж Ибака, кој имаше 21 поен и 22 скока, за триумф на Тандерс од 104-89 против Далас маверикс. Гостите немаа расположен играч и ниту еден од единаесетте кошаркари не беше ни блиску до границата од 20 поени, што им донесе убедлив пораз од 15 поени разлика.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
