Позитивното пишување за владата не е доказ за нарушување на слободата на медиумите. Недоволен доказ се и извештаите на разни организации како репортери без граници, смета евркомесарот за проширување, Јоханес Хан. Тој ова вчера им го соопштил на новинарите од регионот на редовниот брифинг пред неговата посета на Македонија и Косово. Хан бил дециден дека слободата на медиумите е важен критериум кој треба да се следи, но дека за наводно нјезино нарушување се потребни докази, а не шпекулации. – Што се однесува за медиумите кои позитивно пишуваат за премиерот, такви има и во други земји, вклучувајчи ги и западноевропските. Тоа не никаков доказ. Ние овде треба да гледаме на стандардите на владеење на законите, така што ако има докази, јас прв ќе реагирам – изјавил во Бирсел, еврокомесарот Хан. Тој потенцирал дека не секогаш извештаите на невладините организации, како репортери без граници даваат вистинска слика. -Треба да се видат фактите. Потребни се многу опипливи докази за да може да се реагира. Тоа се однесува на сите земји од овој регион, изјавил Хан пред новинарите од регионот во Брисел.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
