Чешки функционер во НАТО не ја минал безбедносната проверка

Во Чешка на повидок е меѓународен скандал, откако е обелоденото дека поранешен функционер во Министерството за одбрана (МО) и актуелен претставник во НАТО не ја минал безбедносната проверка од Советот за национална безбедност (СНБ).

– Факт е дека јас сум не сум кривично гонет, немам известување за некакво обвинување, ниту ми е побарано било какво објаснување од некое истражно тело во Чешка – изјави Јан Вилита, додавајќи дека поднел жалба и очекува да добие повеќе информации.

Вилита рече дека според мислењето на СНБ, тој како генерален секретар на МО дејствувал против интересите на Чешка и тоа конкретно против интересите за заштита на економијата и против интересите за заштита на внатрешниот поредок.

Случајот се испитува во Министерството за одбрана, а Вилита засега не е отповикан од функцијата во НАТО, каде без безбедносен сертификат не може да продолжи да работи.

Вилита на функцијата во Северноатлантската алијанса е од есента 2013 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.