Швајцарскиот скијач Партик Кунг победи на синоќешната спуст трка што се возеше на патеката во Бивер Крик во рамките на Светското првенство во алпско скијање. Тој до златниот медал стигна со време – 1:43.18 минута. Ова за него е трета победа во кариерата по првите места во Светскиот куп остварени во Венген (2014 – спуст) и во Бивер Крик (2013 – супервелеслалом).
Сребрениот медал му припадна на Американецот Тревис Генонг, додека бронзата ја освои Беат Фојз од Швајцарија. На трката потфрлија фаворитите за медалите пред скијачите од Норвешка Аксел Лунд Свиндал и Кјетил Јансруд.
За Швајцарија ова е прва титула светски првак во спуст по триумфот на Бруно Кернен во Сестриере 1997 година
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
