ЈЗУ Центар за јавно здравје од Кочани ги предупреди корисниците на селските водоводи во селата Град и Разловци во Општина Делчево дека по извршените испитувања е констатирана неисправност на водата за пиење.
Извршените анализи покажале дека и водите од јавните чешми во селата Стамер и Град и во месноста Пустевски ендек не се за пиење и готвење.
Водата од градскиот водовод во Делчево на кој се приклучени и населбите Звегорска река и Тработивиште, според резултатите од анализите на Центарот за јавно здравје од Кочани е исправна.
Надлежните органи им препорачаа на жителите од Разловци, Град и Стамер за пиење да користат флаширана вода.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
