Во Њујорк презентација на можностите за инвестирање во Македонија

Владина делегација, предводена од вицепремиерот задолжен за економски прашања Владимир Пешевски, денеска учествува на бизнис-форум во Њујорк.

Бизнис-форумот е организиран во соработка со магазинот „Форбс“ и претставува одлична можност за претставување на условите за инвестирање и водење бизнис во Република Македонија, соопшти кабинетот на вицепремиерот Пешевски.

Во состав на владината делегација се и министерот без ресор задолжен за привлекување странски инвестиции Веле Самак и директорот на Дирекцијата за ТИРЗ, Виктор Мизо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.