Експлозија во фабриката за полнење плински боци Богданци, утрово ги потресе жителите на Богданци.
Eксплозијата се случила во Плинарата „Балкан Гас“ околу 9 часот, по што настанал голем пожар, додека темен чад почнал да се издигнува во висина и до два километра на небото над Богданци.
Екипи на противпожарната заштита се на терен и се обидуваат да го локализираат. Засега нема информации за повредени.
-Во моментов се врши увид. Добивме дојава за пожарот од непознато машко лице. Сѐ уште немаме информации за повредени лица – вели за „Република“ Хризантема Рендевска од СВР Струмица.
Ова е втор голем пожар во Богданци, откако пред нешто повеќе од еден месец изгоре православната црква „Св. Атанасиј Велики“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
