Министерството за образование и наука и Државниот испитен центар попладнево информира дека согласно акцискиот план и дефинираната динамика, вкупно 7.797 ученици во 92 средни училишта во 35 општини во земјата, денеска биле дел од процесот на екстерната проверка на постигањата на знаењата на учениците од завршните години (трета и четврта) во средното образование, кој започна на 26 јануари и ќе се реализира заклучно со 30 јануари.
– Процесот е целосно и успешно заокружен во училиштата во Берово, Битола, Валандово, Богданци, Велес, Виница, Врапчиште, Гевгелија, Делчево, Демир Хисар, Кавадарци, Кочани, Кратово, Крива Паланка, Крушево, Липково, Маврово – Ростуше, Македонска Каменица, Македонски брод, Неготино, Охрид, Прилеп, Пробиштип, Радовиш, Ресен, Свети Николе, Скопје, Струга, Струмица, Центар Жупа и Штип, соопшти МОН.
Оттаму посочуваат дека процесот не е реализиран во општина Дебар, додека во општините Куманово, Тетово, Гостивар, Кичево, каде реализацијата е делумна, ќе бидат утврдени дополнителни термини за тестирање на дел од учениците.
Резултатите од тестирањата ќе бидат објавени на 2 февруари годинава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
