Грчката берза падна 5,5 отсто

Водечкиот индекс на Атинската берза забележи пад од 5,5 отсто во денешното тргување, како последица на загриженоста на инвеститорите, еден ден откако радикалната левица СИРИЗА, која е против мерките за штедење, победи на предвремените парламентарни избори во Грција.

Главиот индекс се намали за 793 индексни поени (5,5 отсто), десет минути по почетокот на денешното тргување, кое почна со намалување од 2,04 отсто.

СИРИЗА, предвоена од Алексис Ципрас, сака да стави крај на политиката на штедење во Грција и да договори со кредиторите од Европската унија и од Меѓународниот монетарен фонд отпишување на дел од грчкиот долг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.