Се снима анимиран филм за генијалниот сликар Ван Гог

По повод 125 години од смртта на Ван Гог се снима анимиран документарен филм кој ќе биде омаж на делото на генијалниот сликар Ван Гог.

Проектот е вреден 4,5 милиони евра и се вика „Саканиот Винсент“ .

Полската уметница Данута Роман и уште 70 уметници работат на долгометражниот анимиран филм кој ќе биде реализиран на тој начин што уметниците ќе ги сликаат платната на Ван Гог.

– За секоја секунда на филмот треба да се направат 12 кадри, односно слики. Еден уметник во просек може да направи шест слики дневно, што е доволно за половина секунда од филмот – вели директорот на студиото кое ќе го снима анимираниот филм Шон Бобит.

Како што пренесува АФП за изработка на 80 минутниот филм ќе бидат потребни околу 56 илјади кадри.

– Со помош на високо технолшка дигитална метода ние всушност си играме Ван Гог и стануваме Ван Гог – вели графичкиот дизајнер Бартош Длузевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.