Во скопскиот хотел „Александар палас“ на 29 јануари (четврток) ќе се одржи втората Невестинска модна ноќ (The Bridal Fashion Night), на која дамите што се подготвуваат да го кажат судбинското „да“ ќе можат да го одберат својот совршен венчален фустан. Настанот почнува во 20 часот во организација на Моден викенд Скопје.
Вечерта посветена на идните невести ќе се состои од модни дефилеа во најновите колекции на Лидија Георгиева и Жили (Lidiya Georgieva&Zili), Елизабет дизајн студио (Elisabeth design studio), Ателје Марија Антоанета (Atelier Maria Antoinette), ателје „Ал Апарел“, Емили ексклузив дизајн (Emili exclusive design) и модната куќа „Менакон“ од Косово .
Покрај венчаници, на пистата ќе може да се видат и уникатни вечерни фустани.
Креациите традиционално ќе ги носат манекенките од модната агенција „Подиум“.
Тие што сакаат да ги погледнат ревиите ќе треба да се пријават на официјалната страница на „Фејсбук“ на Модниот викенд Скопје со име и презиме, возраст и период на одржување на венчавката.
фото: Ани и Дими
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
