Пронајдена мртва старица во Неготино

На кејот на Тимјаничка река во Неготино денеска е пронајдена мртва старица, родена 1924 година, информираше попладнево Анита Стојковска, портпарол на СВР Велес.

Старицата претходно на 21. јануари била пријавена во неготинската полиција како исчезната.

– Станува збор за старицата Ц.В. од неготинското село Вешје. По овластување на Јавен обвинител увид на лице место изврши екипа на полициска станица Неготино. Телото е прегледано од страна на медицинско лице и не се забележани траги на насилство, соопшти Стојковска.

Телото е предадено на семејството по наредба на обвинител.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.