На овој проект била ангажирана “армија од информатички борци”, кои на располагање имаат најнапредна интернет технологија, чија цел е да реализираат таканаречени “TAO” или “Tailored Access Operations” напади, со чија помош ќе бидат во состојба да манипулираат и преземаат контрола над непријателски компјутери, но и да ги уништат.
Сноуден наведува дека овој проект се спроведува веќе осум години и дека за тоа време најверојатно биле развиени повеќе стратегии на интернет – војување.
Според разузнавачките податоци, некои од најуспешните американски акции, кои биле спроведени со помош на оваа програма, се креирањето на вирусот “Stuxnet”, со чија помош била парализирана иранската нуклеарна програма, како и креирањето на вирусот “Regin” со чија помош американските сили успешно се инфилтрирале во компјутерските мрежи на германските власти, а со овој вирус се поврзува и скандалот околу шпионирање на Европската комисија.
Шпигел пренесува дека пет земји се вмешани во проектот за контрола на интернетот, а тоа е таканаречената “Алијанса на пет очи”, која ја сочинуваат САД, Велика Британија, Канада, Австралија и Нов Зеланд. Покрај тоа, Сноуден уште еднаш рекол дека САД ги прислушкува повеќето светски новинари, електронските и пишаните медиуми и другите средства за комуникација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
