Авион на „Ер Србија“ на пат кон Бањалука итно е приземјен во Сурчин откако му се запалил моторот. Во инцидентот кој се случил рано утрината нема повредени, а српскиот директорат за цивилно воздухопловство врши инспекција врз авионот.
Нема информации за каков дефект се работи, но потврдуваат дека авионот веднаш по полетување е вратен на пистата на белградскиот аеродром.
-Пилотот забележал дека еден од моторите не работи додека авионот и натаму бил во фаза на качување на висина од 8 илјади стапки. Веднаш го исклучил и со еден мототр се вратил на аеродромот „Никола Тесла“ каде безбедно слетал. Во авионот имало околу 20 патници. Се е завршено според процедурите- посочуваат инспекторите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
