Македонската асоција на новинари(МАН) преку писмено соопштение упатено во јавноста најостро се спротивстави на одлуката на Апелацискиот суд со која новинарот Томислав Кежаровски е осуден на две години затворска казна. Според Асоцијацијата, единствено прифатливо е Судот да донесе ослободителна одлука.
„МАН смета дека секоја казна за вршење на новинарска работа е излишна, па и оваа за колегата Томислав Кежаровски. Ова дотолку повеќе што казната за новинарот кој пишувал текст е повисока од некои за сторителите за чие дело се пишувало“, стои во соопштението.
МАН очекува да се поднесе жалба по оваа одлука, а Врховниот суд во најкус можен рок, уште следната недела, да закаже седница на која ќе донесе ослободителна пресуда и ќе го ослободи новинарот Кежаровски од секаква одговорност. Со оваа одлука судството ќе покаже дека новинар не може и не смее да одговара за професионално извршување на својата работа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
