Тројката ја напушти Грција без договор

Претставниците на меѓународните кредитори на Грција денеска си заминуваат од Атина без финален договор со грчката влада за повеќе структурни реформи.

Грчката страна тврди дека паузата во преговорите нема да предизвика проблеми со доделувањето на следната рата од заемот за земјата. На вчерашниот состанок на премиерот Андонис Самарас со претставниците на ММФ, ЕК и ЕЦБ не беше постигнат договор за намалувањето на бројот на јавните службеници и планот за исплата на фирмите и поединците што должат пари за социјално осигурување.
И покрај застојот во преговорите, грчкиот министер за финансии, Јанис Стурнарас, инсистира на тоа дека двете страни се блиску до договор и оти не е загрозена следната рата од заемот за Грција во вредност од 2,8милијарди евра .

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.